بەریتانیا ١٤ گۆڕانکاری لە سیستەمی پەنابەریدا ڕاگەیاند

بەریتانیا ١٤ گۆڕانکاری لە سیستەمی پەنابەریدا ڕاگەیاند

وەزیری ناوخۆی بەریتانیا  ١٤ گۆڕانکاری لە سیستەمی پەنابەریدا ڕاگەیاند

1. دۆخی پەنابەری کاتی بێت
پاراستنی پەنابەران دەبێتە شتێکی کاتی نەک هەمیشەیی 

لەبری ئەوەی دوای ٥ ساڵ مافی نیشتەجێبوونی هەمیشەیی بدرێت وەک ئەوەی ئێستا هەیە.

2. پێداچوونەوە بە دۆخەکە هەر ٣٠ مانگ جارێک
هەر ٢ ساڵ و نیو جارێک واتە ٣٠ مانگ پێداچوونەوە بە دۆخی پەنابەری دەکرێت بۆ ئەوەی بزانرێت کە ئایا گەڕانەوەیان  بۆ وڵاتی ڕەسەنیان سەلامەتە یان نا.

3. زیادبوونی کاتی چاوەڕوانی بۆ ئیقامەی هەمیشەیی
پەنابەران دەبێت زۆر زیاتر چاوەڕێ بکەن بۆ مانەوەی هەمیشەیی پێشنیاری زیادکردنی ماوەی چاوەڕوانی لە ٥ ساڵەوە بۆ ٢٠ ساڵ.

4. هەڵوەشاندنەوەی مافی ئۆتۆماتیکی یەکگرتنەوەی خێزان
مافی یەکگرتنەوەی خێزان چیتر ئۆتۆماتیکی نابێت بۆ پەنابەران لە ژێر پاراستنی یاریدەدەر دا وەک ئەوەی جاران هەبوو.

5. هەڵوەشاندنەوەی پابەندبوونی یاسایی بۆ دابینکردنی پاڵپشتی دارایی و نیشتەجێبوون
حکومەت پلانی هەیە ئەو  پابەندییە یاساییە هەڵبوەشێنێتەوە کە گەرەنتی پشتیوانی دارایی و نیشتەجێبوونی بۆ پەناخوازانی دەکرد. 

6. جێبەجێکردنی پشتگیری ئیختیاری
لەبری ئەوەی بە شێوەیەکی ئۆتۆماتیکی پشتیوانی پێشکەش بکات 

حکومەت ئیختیاری دەبێت بۆ ئەوەی دیاری بکات کێ پشتگیری وەردەگرێت ئەمەش بە پشتبەستن بە توانای پەناخوازەکە بۆ کارکردن یان ئایا سەروەت و سامانیان هەیە یان نا. 

7. داواکردنی بەشێک لە پەناخوازان بۆ بەشداریکردن لە تێچوونەکانیان
لەوانەیە داوا لە پەناخوازان بکرێت کە سەروەت و سامان یان داهاتیان هەیە بەشداری بکەن لە تێچووی شوێنی نیشتەجێبوونیان یان هاوکارییەکانیان. 

8. بەهێزکردنی دیپۆرتکردنەوەی پەناخوازانی ڕەتکراو
خێراکردنی دیپۆرتکردنەوە بۆ ئەو کەسانەی داواکاریەکانیان ڕەتکراوەتەوە و بەهێزکردنی توانای حکومەت بۆ لابردنی. 

9. چاکسازی لە پرۆسەی تانەدان
دامەزراندنی سیستەمی تانەدان  بۆ خێراکردنی تانەدان و کەمکردنەوەی دواکەوتنەکان. 

10. لێکدانەوەی دووبارەی مافەکانی مرۆڤ مادەی هەشتەمی ڕێککەوتننامەی ئەوروپی بۆ مافەکانی مرۆڤ

حکومەت دەیەوێت سنوورداری بکات کە چۆن مافی ژیانی خێزانیی لە کەیسەکانی کۆچبەریدا جێبەجێ دەکرێت ئاسایشی گشتی لە پێشینەدا دابنێت. 

11. پێداچوونەوە بە لێکدانەوەی مادەی سێیەمی ڕێککەوتننامەی ئەوروپی بۆ مافەکانی مرۆڤ

هەموارکردنەوەی لێکدانەوەی مامەڵەی نامرۆڤانە یان ڕیسواکردن بۆ ئاسانکاری بۆ دیپۆرتکردنەوەی ئەو کەسانەی کە بە مەترسیدار یان ناشایستەی مانەوە دادەنرێت. 

12. سەپاندنی سزای ڤیزا بەسەر وڵاتانی ناهاوکاری
هەڕەشەی سەپاندنی سزای ڤیزە بەسەر ئەو وڵاتانەی کە ڕەتیدەکەنەوە گەڕانەوەی هاوڵاتیەکانیان قبوڵ بکەن کە داواکاری مافی پەنابەرییان ڕەتکراوەتەوە. 

13. دانانی ڕێڕەوی نوێی سەلامەت و یاسایی بۆ کۆچکردن
ڕێگای سەلامەت و یاسایی نوێ بۆ پەنابەران بکەرەوە لەوانەش پشتگیری کۆمەڵایەتی هاوشێوەی دەستپێشخەرییەکانی وەک ماڵ بۆ ئۆکرانیا و ڕێگاکانی دامەزراندن و خوێندن. 

14. بەکارهێنانی تەکنەلۆژیا وەک زیرەکی دەستکرد بۆ دیاریکردنی تەمەن
پێشنیار دەکرێت کە تەکنەلۆژیای خەمڵاندنی تەمەن وەک زیرەکی دەستکرد 

بەکاربهێنرێت بۆ دیاریکردنی ئەوەی کە ئایا هەندێک لە هاتنەکان منداڵی خوار تەمەنی یاسایین یان نا بە مەبەستی بەرەنگاربوونەوەی دەستکاریکردن. 
ئامادەکردن و وەرگێڕانی ئایندە میدیا