خۆپێشاندەران بە دروشمی  مردن بۆ دیکتاتۆر و نە غەززە نە لوبنان گیانم فیدای ئێران ڕاستەوخۆ داوای ڕووخانی کۆماری ئیسلامی دەکەن

خۆپێشاندەران بە دروشمی  مردن بۆ دیکتاتۆر و نە غەززە نە لوبنان گیانم فیدای ئێران ڕاستەوخۆ داوای ڕووخانی کۆماری ئیسلامی دەکەن

واڵ ستریت جورناڵ جەنگی ئەتۆمی نەبووە هۆی یەکگرتوویی ئێرانییەکان و ناڕەزایەتییەکان پەرەی سەند

ئەنجومەنی سەرنووسەرانی ڕۆژنامەی واڵ ستریت جورناڵ لە وتارێکدا ڕایگەیاند، بەپێچەوانەی پێشبینییەکان کە دەگوترا هێرشی سەربازی بۆ سەر دامەزراوە ئەتۆمییەکان دەبێتە هۆی هاوسۆزی خەڵک بۆ حکومەت

ئێستا شەقامەکانی ئێران پڕن لە خۆپێشاندەر. تەنها چەند مانگێک دوای جەنگە ١٢ ڕۆژەکەی نێوان ئێران و ئیسرائیل و ئەمریکا، ناڕەزایەتییەکان لە بازاڕی تارانەوە دەستی پێکرد و بۆ شارەکانی دیکە پەرەی سەند.

ئێستا خوێندکاران و شۆفێرانی پاس و بارهەڵگریش هاتوونەتە ناو ڕیزی ناڕەزایەتییەکان

هۆکاری سەرەکی ئەم توڕەییە بۆ داڕمانی ئابووری دەگەڕێتەوە هەڵاوسان گەیشتووەتە ٤٢٪ و دوای جەنگیش بەهای تمەن ٤٠٪ی دیکە دابەزیوە

ڕۆژنامەکە دەڵێت ئەمجارە کاردانەوەی دەسەڵات بەرامبەر خۆپێشاندەران
خۆپارێزتر بووە چونکە حکومەت لەوە دەترسێت سەرکوتکردنی توند ببێتە هۆی سەرهەڵدانی ڕاپەڕینێکی سەرتاسەری کە کۆنتڕۆڵ نەکرێت.

هەرچەندە مەسعوود پزیشکیان داوای گفتوگۆی کردووە، بەڵام خەڵک دەزانن دەسەڵاتی ڕاستەقینە لای عەلی خامنەییە کە لە پشت پەردەکانەوە بێدەنگی هەڵبژاردووە

واڵ ستریت جورناڵ هۆشداری دەداتە دۆناڵد ترەمپ کە نەکەوێتە داوی ڕێککەوتن لەگەڵ تاران و دەڵێت ئەگەر کۆماری ئیسلامی ڕێککەوتنی بویستایە

دوای جەنگ دەگەڕایەوە سەر مێزی گفتوگۆ. لەبری ئەوە، تاران بەردەوامە لە پەرەپێدانی بەرنامەی ئەتۆمی و مووشەکی بالیستی.

ڕۆژنامەکە داوا دەکات ئەمریکا بە کردەیی پشتگیری خەڵک بکات، بۆ نموونە لە کاتی بڕینی ئینتەرنێتدا هاوکارییان بکات و سزای توندتر بخاتە سەر هەناردەی نەوتی ئێران.

لە کۆتایی وتارەکەدا هاتووە کە مانەوەی دەسەڵاتی ئایەتوڵڵاکان بەستراوەتەوە بە پارەی نەوت بۆ دابینکردنی مووچەی هێزە ئەمنییەکان. ئەگەر ئەمریکا بتوانێت ئەو سەرچاوە داراییە وشک بکات

ئەوا وەفاداری هێزە چەکدارەکان بۆ حکومەت دەگۆڕێت و ئەگەری ڕووخانی دیکتاتۆرییەت زیاتر دەبێت، چونکە زۆربەی دیکتاتۆرییەتەکان تا ساتەوەختی کۆتایی بە بەهێزی دەردەکەون.